Ўзбекистонда бодипозитив

Мадина Рузматова, PR-adviser ва блогер, Nemolchi.uz лойиҳасига Ўзбекистондаги бодипозитив, ўзини борича қабул қилиш йўли ҳақида гапириб берди.

– Афсуски, Ўзбекистонда бодипозитив бир ҳаракат сифатида шаклланмаган. У тизимли эмас, давлат томонидан тан олинмаган ва қандайдир муаммоларни хал қилиш қаратилмаган.

Бодипозитив пайдо бўлганига кўп бўлса-да, Ўзбекистонда у ҳақида энди гапиришмоқда. Мен бу мавзуни кўтарган биринчи одам эмасман. У четда қолаётгани ачинарли.

Мен баландпарвоз манифестлардан бошладим, кейин бундай ишлаш ярамаслигини англадим ва soft influence техникасида ишлашга қарор қилдим, сиз тазъйиқсиз ўз намунангизда роль моделини кўрсатасиз. Мен учун бодипозитив – бу ҳар қандай ташқи кўриниш ва физикани тан олишни англатувчи очиқ фикрлаш тури ва қадриятлар мажмуидир. Мен ташқи кўринишни танқид қилиш ҳақидаги фикрларни ифодалашнинг тажовузкор услубидан ҳам воз кечдим.

Мактабдаги буллингда кичик қизлар албатта катталарга хабар беришлари шарт. Негаки шахсий чегараларни бузаётган одамларни жазолаш шарт. Вояга етганлар ўзларини қулай хис қилишлари муҳимлиги ва ўзларига ёқиши биринчи ўринда туриши кераклигини англашлари шарт. Қийин вазиятга тушган қизларга маслаҳат беришдан йироқман, лекин менга ўз пайтида психотерапевт маслаҳати ёрдам берди.

Бу мавзуни кўтаришдан олдин катта қўрқув бор эди. Фейсбукда жамият ортиқча вазни бор одамлардан қанчалик нафратланиши ҳақидаги илк постимни ёзгандан кейин йиғлаганим эсимда.

Дунёдаги ҳар бир қизга мурожаат қилиш имконияти бўлса, у нақадар гўзаллигини айтардим. У ҳаммасини уддалайди ва кўз ёшлари ортда қолади. Кичиклигингда бирон муаммога дуч келсанг, сени қўллаб-қувватлайдиган инсонга муҳтожлик сезасан. Ҳар бир қизга айтар гапим – ўша инсон ўзингиздир. Муҳаббатингизни бировга исботлашга мажбур эмассиз. Айнан сенга мурожаат қилмоқчиман: ҳаёт жуда гўзал, у қандай бўлишини хоҳласанг, шундай бўлади. Қандайдир журнал/Инстаграм сенга яшашни ўргатгани учун бахтли бўлиш имкониятини қўлдан бой берма. Сен – бетакрорсан!