Бир инсон билан яқин муносабатда бўлар экансиз унинг кўп камчиликларига кўз юмишингизга тўғри келади. Лекин доимий рухий зарбалар, золимликлар сабр косангизни тўлдириб юборади.
Агар яқин инсонигиз нарцисс ёки сизга ёмон муносабатда бўлса, қуйидаги гапларни аниқ эшитгансиз:
“Эски гапни қўзғайверма!”. Беш дақиқа аввал у томонидан қилинган қўполлик ҳақида гапирсангиз ҳудди шу гапни эшитасиз.
“Хўп кечирақол!” Аллақачон у томонидан айтилиши керак бўлган кечиримни тилаб оласиз.
(Сукут) Унинг ҳаракатлари ва бўлган ишлар учун изоҳ сўраганингизда шунчаки сукут сақлайди. Бу билан сиз қилмаган хато учун сизни жазоламоқчи бўлади гўё.
“Ўзинг айбдорсан!” Сизга ҳиёнат қилганда, дилингизни оғритганда, қўл кўтарганда, сиз билан ўзини ғалати тутганда айнан шу гапни эшитасиз.
“Сурил”. Беҳосдан унинг йўлидан чиқиб қолдингиз, сизни айланб ёнингиздан ўтиб кетиши ҳам мумкин, лекин бунинг учун эҳҳҳҳеее қанча машаққат билан қадам ташлаш керак, ахир ундан кўра сиз унинг йўлидан қочишингиз осонроқ.
“Сендан бошқа ҳамма мени ҳурмат қилади!” Бу иборани унинг қолипга сиғмайдиган ҳулқи учун билдирилган фикрингизга эшитасиз.
“Сен жудаям таъсирчансан!” Сиз унинг бирон қилиғига чидолмасангиз шундай жавоб оласиз.
“Сендан бошқа ҳамма билан чиқишаман!” Чунки қолганлар билан сизчалик яқин муносабатга эга эмас ва улар бунинг ит феъли ҳақида билишмайди.
“Сен даволанишинг керак! Рухан касалсан!” Бундай иборани аслида ўзларида рухий носоғломлик муаммоси бор инсонлар айтади.
“Ҳали гапимни тугатмадим!” Бу ибора сиз ноиложликдан жуфтингизнинг кераксиз, узундан-узоқ тайинсиз гапларини эшитишга мажбур бўлганда эшитасиз.
“Сен ўзингни онангдек тутяпсан” (Ким ёмон таассурот қолдирган бўлса, сизни айнан ўша одамга ўхшатишади). Эсингизда бўлсин! Фақатгина заиф ва пасткаш инсонларгина сизнинг очиқ кўнгиллилигингиздан фойдаланиб ва унга ишониб бор айтган оилавий сирларингиздан ўзингизга қарши қурол қилиб фойдаланишади
“Мени эговлашни бас қил!” Заиф инсонларга уларнинг мажбуриятларини эслатишингиз ҳеч қачон ёқмайди.
“Озгина жилмайсангчи!” Сизни уриб сўкиб, ҳақорат қилса-да, сўнг жилмайишингизни сўраса ғалатимасми?
“Мени ўзгартира оламан, деб ўйлашни бас қил! Мени боримча қабул қилишни ўрган!” Ўзини нормал одамдек тутишини сўраб қилган илтимосингизга унинг жавоби.
Рухан носоғлом, заиф, золим инсонлар томонидан ҳеч қачон айтилмайдиган сўзлар рўйхати:
– Кел, сенга ёрдам бераман
– Батафсил гапириб бер-чи
– Жудаям афсусдаман. Мени кечир
– Ҳавотирли жойи йўқ, хаётда ҳамма нарса бўлади, бу учун ўйланма
– Ўзингни қийнайверма, бу сенинг айбинг эмас
– Узр, гапингни бўлиб қўйдим
– Мен кутиб тураман
– Кўп сиқилма, ҳаммаси яхши бўлади
Юқоридаги фикрлар сизга таниш бўлса, сизга бир нечта маслаҳат:
- Кузатинг, лекин ўта берилиб кетманг. Сиз унинг олдида ўзингизни оқлашга ёки уни ўзгартиришга мажбур эмассиз. Шунчаки маълум муддатга чекининг.
- Ўзингизга раҳмингиз келсин. Доимо рухий босим остида яшашнинг иложи йўқ. Бу сизни ҳолдан тойдиради. Ўзингизни севинг ва унутмангки, сиз ҳурматга лойиқсиз.
- Диққатингизни соғлом муносабатларга қаратинг. Маънан етук инсонлар даврасида бўлишга ҳаракат қилинг. Вақтингиз ва қадрингизни кетказиб рухан носоғлом ва зўравон инсонлар исканжасига тушиб қолманг.
- Муносабатни тўхтатинг: Агар сиз унинг рухий соғлом инсон эканлигига оз бўлса-да шубҳа қилсангиз, шу пайтдаёқ муносабатни узинг.
