Бегоналарнинг таъқибидан биронтамиз ҳимояланмаганмиз. Сиз хотиржам, ҳеч кимни безовта қилмай кетябсиз. Кутилмаганда қандайдир нотаниш одам сизга шубҳали қараб, орқангиздан эргашаётганини сездингиз. Бундай ҳолатда нима қилиш керак?
Бу ҳаволада сталкинг ҳақида ўқишингиз мумкин.
1️⃣ Сизни ҳақиқатда таъқиб қилаётганларига ишонч ҳосил қилинг. Бунинг учун тўхтаб, гўёки бирон жойингизни тўғирламоқчидек бўлиб таъқиб қилувчининг нигоҳларига эътибор беринг.
2️⃣ Қадамингизни секинлатинг. Таъқиб этувчи илдамлашига қўйиб беринг. У ҳам қадамини секинлатса ёки тўхтаб қолса, маршрутингизни ўзгартиринг, йўлнинг нариги томонига ўтинг.
3️⃣ Агар шубҳали шахс ҳам йўлдан ўтиб, таъқиб этишда давом этса, уни кўздан қочирманг.
4️⃣ Уни яширинча камерага олинг. Телефонингизнинг олд қисмидаги фронтал камерани ёқинг ва селфи олаётгандай бўлинг. Уни видеога олиб, яқинларингизга юборинг.
5️⃣ Кафе, дўкон, кинотеатр, метро – ҳуллас одамлар гавжум бўлган жойга киринг. Атрофдагилардан ёрдам сўранг. Ҳуқуқни муҳофаза қилувчи органлар ходимларини кўрсангиз, уларга мурожаат қилинг.
6️⃣ Яқинларингизга қўнғироқ қилиб, баланд овозда гаплашиб, таъқиб қилувчи эшитадиган даражада суҳбатдошингизга учрашув жойини айтинг. Яқинларингиздан келишларини сўранг.
7️⃣ Телефонингиз бўлмаса ёки унинг қуввати тугаган бўлса, кўчадаги ўтаётганлардан сўранг. Унга сизни таъқиб этишаётганини секин айтиб, ёрдам сўранг.
8️⃣ Асло одамлар бўлмаган жойлар ёки кўп қаватли уйларга кирманг. Ўзингизнинг подъездингизга-ку умуман кирманг. Квартирангизгача ета олмаслик ёки эшикни ёпишга улгурмаслик ҳавфи бор.
9️⃣ Трассага чиққан бўлсангиз, келаётган биринчи машинани тўхтатиб, энг яқин участкага олиб боришини сўранг.
🔟 Участкада ариза ёзиб, таъқиб қилувчининг сурати, видеоларни тақдим этинг. Кўпинча таъқиб қилувчи ички ишлар органлари унинг кетидан тушгани тўхтатиб қолади. Лекин барибир маълум вақт уйдан ёлғиз чиқмасликка ҳаракат қилинг.
_______________
#Sukutsaqlama #СукутСақлама #ЗўравонликданҲолиЎзбекистон #ЗўравонликкаЙўқДеймиз
