Ўзбекистонда қонунлар ўзига яраша ишлайди. Кимдир жазоланади, кимдир – йўқ. Бунга айбдорнинг жинси сабаб бўлиши мумкинми?
👉Аёл бўлсангиз, қандай жазо оласиз:
1️⃣ Хотин-қизларга шаънини ҳимоя қилиш мумкин эмас. Масалан, кўчада сизни йигитлар ҳақорат қилди. Сиз бунга эътибор бермасдан ичингизга жимгина ютишнгиз керак. Ўз шаънингизни асло ҳимоя қилишга уринманг, айниқса жисмоний куч қўлламанг.
Сизга нисбатан Жиноят кодексининг 277-моддаси 3-қисми «г» банди (жамоат тартибини сақлаш вазифасини бажариб турган ҳокимият вакили ёки жамоатчилик вакилига ёхуд безорилик ҳаракатларининг олдини олиш чорасини кўрган бошқа фуқароларга қаршилик кўрсатиб содир этилган безорилик) билан жиноят иши қўзғатишлари мумкин. Мазкур модда санкцияси 3 йилдан 5 йилгача озодликдан чеклаш ёки маҳрум қилишни назарда тутади.
Аёл кишини эркак ечинтириб ёки ич кийимнинг ўзида видеога олиб, буни Интернетда тарқатса, у ҳеч қандай жазо олмайди. Хоразмда эркак қизни ечинтириб, буни видеога олган ва жазосиз қолган. Бош прокуратура эркакка нисбатан жиноий иш қўзғатилиши ҳақидаги маълумотни рад этди. Боғот тумани ИИБ Жиноят қидирув бўлими маълумотларига кўра, жорий йилнинг 23 феврал куни текширув ўтказилди. Аммо ҳуқуқни муҳофаза қилиш органлари эркакка нисбатан жиноий иш қўзғамаган. Маълумотларга кўра, қиз 2017 йилдан бери эркак билан яқин алоқада бўлган. Ушбу воқеадан кейин у ҳуқуқни муҳофаза қилиш идораларига даъво аризалари билан мурожаат қилмади. Эркакни жиноий жавобгарликка тортилганда қиз терговни тугатиш тўғрисида туман ИИБ бошлиғига мурожаат қилди.
👉Эркак киши бўлсангиз, қандай жазо оласиз:
1️⃣ Сиз эркак бўлсангиз ва паркда қизни урсангиз, сизни майда безорилик моддаси билан 5 суткага қамашади, холос.
2️⃣ Эркак бўлсангиз, сизни болага тегажоғлик қилганингиз учун жазолаб ҳам ўтиришмайди. Ички аъзоларига тегинсангиз, нима қилибди. Устига устак арзирли далил ҳам йўқ. Экспертиза ҳам бола бу ҳақида ўйнаб, тушунмасдан гапираётганини тасдиқласа-ку, ундан-да аъло.
3️⃣ Вояга етмаган бўлса-да, эркак бўлиб, синфхонада ҳожатингизни чиқарсангиз ҳам сизни кечиришади. Нари борса ота-онангиз жарима тўлайди.
____________________
#Сукутсақлама #SukutSaqlama #ЗўравонликданҲолиЎзбекистон #Қонунлар
